Садила мома, ајде
јадено лозје,
Садила е, мома мори,
вадила.

Не се родило, ајде,
јадено грозје.
Родило се рујно
вино црвено.
Родила се бела
лута ракија.

Чудом се чуди ајде
таа мала мома,
што да прави с' тоа
вино црвено,
што да прави с' таа
лута ракија.

Па е изградила ајде
на крстопата.
Изградила е едно
мало дуќанче.

Кој га замине ајде,
кој га помине,
да ми пие тоа
вино црвено,
да ми пие таа
лута ракија.